مايو 16, 2016
اطباق رئيسية -
حساء -
طبخات -
طبخات رمضان
هذا المقادير تقريبا ل6 اشخاص
قطع لحم خروف
حبة بصل متوسطة
حبة طماطم
زوج سنينات ثوم
زوج م ك زيت
نصف م ص فلفل اسود
نصف م ص كصبر مرحي
ملعقة ونصف طماطم مصبرة
فريك 4م ك
كمية من اللحم المفروم
الطريقة
في طنجرة نحط اللحم والبصل والطماطم المرحية والثوم والزيت والملح والفلفل الاسود والقصبر المرحي ونخليها تتقلى على نار هادئة
كي يذبال البصل نضيف نصف كأس ماء ونخليها تكمل تتقلى على نار هادئة وهذا سر البنة لازم يتقلى جيدا حتى اللحم يدخله الطياب يعني
يبدا يطرى
بعدها نصفي الشربة اي نحطها في كسكاس نرجع اللحم للطنجرة
وباقي المكونات نعصرها جيدا بواسطة ملعقة مع اضافة اكمية من الماء
نرجع المرق للطنجرة وهذا لي يكون في الاسفل نرميه
نضيف كمية الماء اللازمة ونترك المرق حتي يغلي
نضيف كمية الفريك وكمية الطماطم بعدما نذوبها في القليل من الماء
نقص على النار ونخليها تكمل طيابها
في هذا الوقت نحضر كويرات اللحم المفروم بخلط اللحم وكمية من البصل ملح فلفل اسوددبشة مقطعة رقيق نعجنهم جيدا ثم نكورهم كويرات صغيرة
ونضيفهم للشربة ونخليها تكمل طيابها مرة في الاخير نضيفلها راس حار ونطفي عليها ونقدمها مزينة بالدبشة وبالصحة والعافية
نقدمها عادة مع المطلوع او خبز الدار
ليست هناك تعليقات: